Beneficios do exercicio físico.

Sistema cardiovascular.
Os exercicios de resistencia aumentan o tamaño das cavidades do corazón mellorando o transporte de osíxeno e substancias nutritivas. ¿Que pasará coa frecuencia cardiaca? Busca información sobre a frecuencia cardiaca de Induráin e comparaa coa túa.

Sistema respiratorio.
Diminue a frecuencia respiratoria e aumenta a profundidade dos movementos dos pulmóns. Mellórase con traballo de resistencia e relaxación.

Sistema nervioso.
O exercicio físico favorece a eliminación da tensión nerviosa. As actividades de coordinación e de velocidade activan e melloran o funcinamento do sistema nervioso.

Aparello locomotor.
O traballo de forza e flexibilidade mellora o funcionamento do aparello locomotor favorecendo a resistencia dos ósos e máis dos músculos.

Condición física.

É a suma das capacidades que tén o organismo para afrontar tarefas físicas coa máxima eficacia e rendemento. Depende da herencia, da idade, sexo, experiencia, da coordinación, dos hábitos de vida: exercicio físico, nutrición, consumo de alcohol, tabaco........Segundo o tipo de exercicio que realicemos melloramos unha capacidade física distinta; así hai exercicios de resistencia, flexibilidade, forza e velocidade. Ademais destas catro calidades físicas básicas tamén temos que considerar as calidades motoras: coordinación, equilibrio e axilidade. Mellóranse con exercicios de xiros, saltos, desprazamentos....Hai moitas probas para medir a condición física:
Resistencia: test de Cooper, Course Navette, 1000 metros...
Forza: flexión de brazos, salto horizontal e vertical, abdominais....
Flexibilidade: flexión profunda de tronco.....
Velocidade: 40 metros lanzados, 10 metros con distintas posicións de saída...
Unha das probas máis populares é a batería de condición física EUROFIT.

O quecemento

É un conxunto de exercicios físicos previos a unha actividade principal. Os obxectivos que persegue son istos:
1- Activar a función do aparello respiratorio.
Respiramos máis rápido e pillamos máis aire.
2- Activar as funcións do aparello circulatorio.
Chega máis osíxeno e alimento ós músculos.
3- Aumentar a temperatura corporal para evitar lesións.
4- Prepara as articulacións e os músculos para facer traballos intensos.

¿Como debe facerse o quecemento?

1ª PARTE. Exercicios xerais.

Son válidos para calquera tipo de quecemento. Deben facerse de forma suave, en desprazamento e movendo tódalas partes do corpo.
2ª PARTE. Exercicios de flexibilidade.

3ª PARTE. Exercicios relativos á actividade que se vai facer.